2025-26賽季中國手球超級聯賽第四階段總決賽今日（24日）進入第二輪賽事，港隊在馬鞍山體育館對上安徽隊，可惜最終以21:30告負，未能一報全運兩場敗仗之仇。
港隊21:30不敵安徽未能復仇
港隊在去年全運會亦曾兩度與安徽隊碰頭，但兩次都告負，分別是在分組賽以29:34不敵，之後在四強中以21:24惜負。今次港隊在昨日以28:27力壓上海後，盼以此為動力，再次在主場出擊一雪前恥。
開賽初段港隊一度落後2:5，但戰至15分鐘迎來轉機，安徽隊王東升因侵犯連潤滔領紅牌被逐；惟港隊未能藉「打多一人」的優勢追近比數，仍以6:10落後。及後港隊憑上半場獨得7分的連潤滔攻入「壓哨球」，以11:17結束上半場。易邊後安徽隊更快入局，港隊被拉開至12:22的10分分差；幸好隨後有簡翊文接連得分止住頹勢，稍微收窄分差至15:23，但最終在力戰下仍以21:30告負，對上安徽隊三戰三負。
連潤滔全場獨得9分獲選為最佳球員
今場連潤滔個人獨得9分，獲選為港隊最佳球員。阿滔表示今仗球隊進攻側重比較偏向自己，隊友也下了不少功夫令他有更多空間和機會進攻。雖然今仗未能一雪全運之仇，但阿滔認為球隊發揮不錯，只是經驗不足導致實戰有偏差：「因為全運會陣容同我哋今次中超陣容有少少唔同，始終有超過一半新加入嘅球員，仲需要些少時間去磨合。但系整體上都發揮得唔錯，同埋我哋都有去研究下安徽主要進攻嘅球員啦。但系可能真系有時經驗唔夠啦，即系有時真系部署上話部署，但系實質上都會有少少偏差。」他也表示新球員整體發揮和領導力都不錯，只是缺乏經驗，阿滔笑指：「但系其實佢哋相對起我同一年紀嘅時候，表現已經更加好！」
目前港隊兩戰取得一勝一負，單循環階段尚餘五場賽事。阿滔表示會盡全力打好每一場，今日稍後亦會好好研究之後的對手，並會調節好心情及做好體能恢復。提到再次能夠在主場出擊，阿滔對球迷的支持表示感激：「再一次畀我感受到主場嘅威力啦，啱啱大家都聽到個打氣聲系好好啦，不論好與壞都好。我感受到嘅就系一份精神啦，精神好緊要。因為當60分鐘嘅比賽話多唔多話少唔少，但系個意志力都已經消耗得好勁。再次多謝啲觀眾入場支持我哋。」
記者/攝影：魏國謙
